Analyses & Opinions

Laurent Lamothe an mòd KOUDETA

Yon kronik pou konprann sak ap pase nan pouvwa Tèt kale a

Norluck Dorange  - -- Se sa ou ta ka rele yon Koudeta an zanmitay san prezidan an pa menm santi si l pran yon koudeta. Depi Ayiti gen pòs Premye Minis ladan l an 1988, se premye fwa yon premye minis pran tèt li pou prezidan, se premye fwa yon premye minis gen plis gen plis pouvwa ke yon prezidan. Premye minis sa a rele Laurent Lamothe. Se yon sitiyasyon eksepsyonel nan yon Leta eksepsyonel, nan yon Leta Bandi Legal.

Konstitisyon di se prezidan ki lonmen anbasadè. Depi nan premye fòmasyon kabinè minsiteryèl la, Laurent Lamothe te konvenk ansyen anplwaye li Martelly, lap nan plis enterè pou yo 2 a pou l retire an dènyè minit djòb minis Afè atranjè a nan men sosyològ Daniel Supplice, premye e sèl grenn entelektyèl ki te kosyone operasyon Tèt Kale a (Apre sa Wilson Laleau te vin rejwenn lè ran Woz). Konsa Laurent Lamothe te fè premye viktim li nan antouwaj Michel Martelly, paske se li menm ankò ki pran djòb Minis Afè Etranjè a. Se konsa, misye te koumanse pran pozisyon koriptè ak dilè politik nan ofri djòb nan anbasad, konsila ak lòt misyon diplomatik Ayiti genyen aletranje a: politisyen, jounalis, depite, senate. Se konsa kategori moun sa yo jwen djòb pou madanm, pitit, fanm deyò, ti mennaj elatriye. Depi lè, se sèl Laurent Lamothe ki gen dwa lonmen moun nan kelkeswa misyon diplomatik. Pouvwa sa a tèlman konsakre nan men l, li deja bloke nominasyon prop moun Martelly propose pou ale nan kèk misyon diplomatik. Ala yon pouvwa Tèt Kale peye m lajanm!

Lè Lamothe fin rache djòb Afè Etranjè a, kounye a li koumanse manevre pou mete do atè premye minis li Gary Conille li pat ka sipòte ki ap pase lòd, ki ka konvoke l nan biwo l. Li koumanse mete an plas machin po fig ak po mango pou fè glise anba pye Conille. Li pouse Martelly pou fè lwa Seet Micky a monte nan tèt li jouk li rive al di betiz kay Gary Conille, ki finalman blije bay demisyon l. Conille bay demisyon l vap. Lamothe pibliye foto l sou entènèt ki kanpe dèyè tèt Martelly nan Palè. Nan menm jou a nan pita, prezidans Ayiti a anonse li aksepte demisyon Conille ak tout foto Lamothe ki kanpe dèyè tèt Martelly.

Lamothe annik monte Premye Minis pa w. Ak minis li te konplote pou lage Conille atè a, li leve koken ak li an patan. Thierry Mayard Paul revoke pa SMS... J'ai décidé, en accord avec le président de la République d'effectuer les changemenst qui suivent au sein du cabinet ministériel. Therry atè. Lamothe revoke sa e li fè tout moun konn sa... A la première personne du singulier. J'ai décidé...

O o, apeti pouvwa Laurent Lamothe mache kole kole ak tout kote ki gen lajan. Si w byen konprann se antant sa a menm ki te genyen pou pouvwa a te pran ak Michel Martelly, men kote tiyo lajan Leta yo ap koule, pou robinèt la nan men Laurent Lamothe. Premye demach la se te ale nan Repiblik Dominikèn pou bay Laurent Lamothe dwa siyati sou tout dekesman lajan Petro Caribe a paske fon yo depoze lòtbò kay vwazen. Se konsa, tout kontra ki ap egzekite ak lajan Petro Caribe a se siyati Lamothe ki anba yo 2 fwa. Premye fwa pou dekesman, dezyèm fwa pou otorizasyon egzekisyon paske se Laurent Lamothe ki minis Planfikasyon. (A suiv... Paske nan prochen ribrik la mwen pral eksplike kouman Lamothe pran ministè Planifikasyon li foure anba zèsèl li tou: Lajan wi Mezanmi ti gason sa a ap foure nan pòch li pou l ka monte rezo koripsyon li anndan peyi a)

Norluck Dorange
Journaliste

 A Lire Aussi:

• Nouveau groupe ParaMilitaire (Milice) crée par Michel Martelly dans la confusion de la crise électorale
• Haiti, Une journaliste internationale déclarée persona non grata, par le régime Martelly-Lamothe, pour avoir dit la vérité
• Des journalistes interdits d’entrer au Palais National
• Dossier de trafic de drogue Martelly/Lamothe/Bouterse: le Sénat passe à l'action
• Lettre au Senat Haïtien : Une enquête est nécessaire sur Martelly, Laurent Lamothe et Desire Bouterse pour blanchiment de trafic de drogue indiquent Me André Michel et Newton Saint Juste
• De Suriname à Haïti : Desiré Bouterse et Michel Martelly Chronique de Deux Chefs d’État Anachroniques
• Quand les vacances de Jean Monard Metellus créent une sensation-rigolo avec le PDG Patrick Moussignac!
• En complicité avec la Minustha, Martelly et Lamothe veulent démolir la place de la Résistance de Port-au-Salut érigée en mémoire des victimes du Cholera
• College Catts Pressoir Lettre ouverte de Guy Etienne : Est-ce une "bêtise" de donner le pain de l'éducation à des enfants, sous le regime Martelly-Lamothe